Kryetari i BDI-së, Ali Ahmeti, ka thënë se do të arrihet që gjuha shqipe të përdoret edhe në përfaqësime diplomatike jashtë Maqedonisë së Veriut.

“Në gjërat që i kemi premtuar ne edhe i kemi realizuar. Jemi dëshmuar me gjuhën shqipe e kemi pasë si premtim për realizimin që buron nga Marrëveshja e Ohrit”.

“E kemi avancuar nuk kemi mbyllur u jemi drejtuar qytetarëve kemi avancuar, por është e pambyllur”.

“Të njëjtat qëndrime për Ligjin për përdorimin e gjuhës shqipe i kanë pasë edhe LSDM edhe VMRO, nuk janë pajtuar që ky ligj të arrihet por e kanë përkufizuar deri në përdorim në nivel lokal dhe jo në atë qendror”.

“Sa i përket ligjit për gjuhët shqiptarët kanë qenë bashkë, në këtë drejtim në këtë pikë shqiptarët kanë qenë bashkë, nuk ka pasë shqiptar që e ka kundërshtuar gjuhën dhe flamurin”.

“Dihet botërisht që gjuha shqipe në Maqedoninë e Veriut që është gjuhë zyrtare në përjashtim ashtu si përkufizohet edhe në Marrëveshjen e Ohrit që nuk është në përfaqësim jashtë vendit. Nuk është në përdorim në përfaqësime diplomatike, këto dy çështje i kemi quar në Komisionin e Venecias për të dhënë një sygjerim dhe mendim ata”.

“Kështu që për mendim tim kjo nuk është çështje e paarritshme, do të arrihet që gjuha shqipe të përdoret edhe në diplomaci ashtu si përdoret ne polici dhe gjykata”, ka thënë Ahmeti në Rubikon.